ევროპის ჩემპიონატზე, პირველ, ისტორიულ მატჩს საქართველოს ეროვნული ნაკრები თურქეთის წინააღმდეგ გამართავს. მატჩი 18 ივნისს, დორტმუნდში უნდა გაიმართოს, ქალაქში კი თურქი გულშემატკივრების სიმრავლეა, რის შესახებაც ჩვენი გუნდის მეკარეს, გიორგი მამარდაშვილს ჰკითხეს. მისი პასუხი კი ასეთი იყო:
- “ჩემთვის ერთი ქართველი უდრის 20 თურქს, ამიტომ არ მეშინია. ძალიან დიდ ენერგიას და მხარდაჭერას ვგრძნობ თითოეული ქართველისგან, ვიცით რომ ყველა მთელი გულით გვგულშემატკივრობს, ჩვენც აუცილებლად ვეცდებით მათ გახარებას და ჯგუფიდან გასვლას”, – ამბობს მამარდაშვილი.
ცნობისთვის, ევროპის 2024 წლის ჩემპიონატი დღეს, 14 ივნისს იწყება. ჩემპიონატი მასპინძელი გერმანიისა და შოტლანდიის ნაკრების დაპირისპირებით გაიხსნება.
